النيل والشجن والهموم

النيل اسالة كتير وحالة تامل كل ما اتمشى على الكورنيش او اطلع رحلة نيلية يجى شريط سينما يمر شريط الشجن بيكب منة فايض عن طاقتى فى الاحتمال هو النيل معادل موضوعى للشجن ولاة دة تداعى المعانى والارتبطات عندى

فى تشابة بين النيل ومصر صابرة ساكنة ساعات طيبة وحنونة وغرقة فى اكتر الاوقات هو فى تشابة بين احساسى وان بلمس المية وبلمس ادين حببتى اخر مرة كان المفروض نطلع مع بعض مجتش. ؟ فضلت لوحدى مع ان كان فى ناس كتير

طلعت اول امبارح رحلة نيلية مع عدد من الرفاق

احسست مع رفقين انى اعرفهم من زمان لا يمكن اصحابى بجد لم اشعر ان فى حاجة للقراة والتحليل او معرفتهم لانى احس فعلا ان اعرفهم جيدا اتفقنا كثيرا زى ما يكون لسانهم لسانى غير احساسى بان هناك شى يجمعنا الحلم العدل للبشر والحرية مناهضة اى ظلم اين كان وبعيد عن مصطلحات الامبرالية ومصطلحتنا تللك احسست بجو انسانى راقى جدا

كان اللبنانى ودودا جدا حين يتحدث حاسما عندما يعرض موقف واضح كل الوضواح لا يزايد ولا يفتعل وكان المغربى تجسيد لعقل المثقف الواعى المثقف الاشتراكى الذى يعتز بثقافة وتراث امتة مثقف لايستغنى عن الاممية بالشوفنية ولا ينفى الواقع بكلمات مسبقة وفهم لاخرين لا يتعاطى مع الواقع

تحدثت رفيقة يمنية ورغم بساطة الطرح الا انها كانت تستطيع ان تجذبك وتبقيك لاستماع وتواصل قالت انا ان جيت تانى نورونى قلت انت منورة ابتسمت واتفقنا ان نتواصل جميل ان تعرف ان عمرك كلة وما تعيشة هو مرحلة تكوين

الرحلة

مش فى دايرة الرحلة ولا النيل سوالة مجاش رغم انى بحب الاغنتين

لكن فى الرحلة النيلية وجدت رفيقة سورية ممتعضة وايضا الرفيق المغربى لم يكن معنا ادركت المسالة وادركت اننا او انى فى مازق اخذنا مركب من المراكب اللى بترسى على الشط تستنى الناس . مش المراكب ولا البواخر اللى بتخض الواحد دى لا دى مراكب الغلابة

كان فيهها بنتين وغالبا المراكب دى بيبقى فيها بنتين يرقصو انا لمى دخلت قلت لرفيق هتالنى حاجة من دى قال ما انتى صعيدى وضحك وقال دول مع كل مركب فى بنتين واحنا هيكون عندنا

لقيت اتنين فى المركب بنتين فى سن 18 الى 21 مش اكتر من كدة منسجموش معنا عملو مكسوفين وكون اننا لا نعرف نرقص ولا نتصرف زى الشباب الروش فمتفاعلوش معنا كانت رفيقة سورية متحفظة جدا ودة اللى خالنى ابعد عن الجو سالت نفسى اية اللى بعملة دة بستغل حاجة حد للفلوس واقعد اتفرج علية طبعا دا الاحساس سسبة انهم كادحين لو انها دينا ولا روبى كنت هتفرج ويمكن كنت اهيص لكن البنات فجرو اسالة كتير حولين الوضع الاجتماعى الناس عايشة ازاى ؟الفقر فى القاهرة والغنى الفاحش اللى بيركب العربيات واللى بيمشى واللى بيركب نفوس البشر بفلوس اهلة واللى بيبات بدون عشى واللى مش عارف يدفع مصاريف الكتب لابنة او بنتة كل عايش على النيل العاطلين والمرفهين البائسين واللى بيمصو فى دم الناس . اصحاب الخربات واصحاب المبنى اللى تخض على الاقل بالنسبالى

اية منها للة الرحلة النيلية

بوح على هامش الموتمر

وانتهى موتمر القاهرة ايام تجمع فيها افراد واشخاص تيارات واحزاب تحدثو واستمعو تضامنو وتحركو اشتبكو مع مختلف القضايا وكان القاسم المشترك ثقافة المقاومة كونك ان تكون مقوما اى تكون حى ان تكون انسان الحياة بدون ثقافة المقاومة تعنى انك بلا امل فى ان تصنع الغد الذى ترجوة تحلم بة . رفيق المانى يرتدى تشرت علية صورة ماركس كم كانت عيونة طيبة ذللك الراجل اشتبكت, مع شباب الاخوان المسلمين تحدثنا كثير كان ضروريا الحوار وكان النتاج ايضا جميلا عروض كتب متنوعة العمل ,الكرامة, الاشتراكين الثورين ,الحزب الشيوعى المصرى التجمع ,مركز النديم واخرين تنوع الموتمر فكان باقة ورد وملتقى لرفاق واصدقاء واحزاب

اشخاص

تحدثت برقة شديدة واعطتنا مطبوعات حزبهم رغم انها لاتبدو ملفتة لكن اكتشفت انها ملفتة جدا علقت على كلماتى تحدثنا حاولت ان افهم ولكن احساسى كان مكمل لما افتقدة من فهم للغة

2

تحدث بود شديد تبادلنا ارقام الهاتف والبريد الاكترونى وقال اود الحديث معك قلت يسعدنى ذللك

3

تخيل الكثيرن انها سوف تقول شى مغاير وانها ستهاجم بشدة او على الاقل فيما نحن طرحناة ولكن اتفقت معنا وتحدثت بشكل مغاير لتصورات البعض رغم ان الجميع تصور غير ذللك

4

لونها كاكاوى دخلنا فى مشادة اول مرة اتحدث معاها لا اعرف لماذا احتملت طريقتى السخيفة بل واحضرت لى شاى لطيفة هى جدا رغم افكارها

5

كيف يتواصل البشر عبر تللك الظروف التى تمنعنا التى تقضى على اوقاتنا تحدثنا سويا اين انت قال

ادينى يا سيدى بس الشغل نفس العبارة ونفس الظروف صديقتى الجنوبية كاكاوية اللون ايضا او كما تسمى نفسها شاى بالبن بس اللبن ناقص شوية _ تهون عليا اوقاتى جميل ان يكون للك صديق انت قلبة يحس بك تتواصل معة _كنت امقت وما زلت التعالمل الميكانكى بين البشر كاننا الات لحظت ذللك على بعض الرفاق بل الافظع سهولة استدعاء العداء مع الاخرين ومع انفسهم شى مخجل حقا

كان موتمر من اجل الانسان من اجل امل فى غدا نصنعة سويا

مجرد كلام
.العالم مش محدود بس ادركنا لية هو اللى محدود
.احب الناس ولو نبذوك دافع عنهم ولو تخلو عنك
انا عمرى ما كنت حاسس انى فاشل بس انتى اللى عمقتى ؟؟؟؟؟؟؟؟؟؟؟احساسى بالفشل
قالتلى انا حاسة انى ماشية فى صحرا انا حسيت انى ؟بدبح
قلتلها انى تاية بدور عليكى زى ما يكون طفل تاية قالتلى مش هتلقاتى سكت محسيتش بنفسى؟

---------------------------------------------------------شوية مشاعر

حبة حاجات
لكن؟
مولود حزين
ولا الزمن
هو الحكم
يا رعشة العشق
اللى العن

من الكهارب والقرص
لمسة ايديكى تهز قلبى كما الجرس
نفسى احضنك

لكن بخاف
احساسى ينزل يتكسر

كما الكزاز
الدنيا دى ملهاش حكم
مسجون انا

جوى عقول الخلق
بانى ذاك الولد

الشريف\ المنحرف
عن العادى المنجرف

نحو الخرف

عاوزنى ابقى اية؟
برواز على الحيطان
ولا الرفيق المنتظر
ولاة لحبيب ساعة ضجر
ولاة لولد المسلى جدا
ابو لسا ن طويل
ولاة زهرة
فى عروة قمصيك المتقسم غلط
يادا العبط
الواد سرح
اكتر من اللى عاوزة البنية
حب حب
ما حد حب
زية من البشر
يا دا الخطر

القلب الاخضر المسمى ب
ذاك الشيوعى المبتئس
المندفع ديما
فى عواطفة بدون فرامل
فقلولة منها احترس
تنطلق دمعتى كالصاروخ
الفارد برى تراث الالم
المرتسم
انسانى جدا
لكن هل ملجاة هو الخرس
خايفة

وملفوفة بالامل الخايب
وانا بحسب دقات القلب الدايب
فى عنيكى

الحلوين جدا شوية مشاعر
مجرد حاجالت
لكن ولا حاجة

بوح انسانى على هامش الاعتصام

دعوة لاعتصام فى حب مصر

هوامش على الدعوة

تسمحولى اتكلم براحتى شوية اعتبروة بوح انسانى ما احنا لية بنهتم بالعمل العام والسياسة ما بالاساس عشان بنقدر قيمة الانسان بنحب البشر بنكرة الظلم مهما اختلفت مرجعياتنا ففى مشتركات وقيم العدل والحرية يمكن من المشتركات باى شكل هى دى المسالة ساعات بسال نفسى لية انى بحس بالنشوة وانا فى المظاهرة لية ساعات بندمنج وزى ما يكون عاوز اعيط نفس احساسى وانا بحضن حببتى معلش الناس الرجعين ليهم حق يتحفظو على كلامى وانا بحترم حقهم فى الاختلاف, بس بجد هو الوطن دة مؤسسات ومبانى ولاة بشر ناس ناس وبشر وانا معاكم هحكى عن الناس هبدا بنفسى

اول امبارح خالى خرج من المعتقل بعد اكتر من عشر سنين تخيلو عشر سنين قهر وحبس عمرة ما طلع يتمشى ولا يختار يكون وحدة او يتسكع او يروح مشوار او يشوف حد غير القضبان والناس اللى معاة حتى الكتب فى فترة كانت ممنوعة وخروجهم من الزنزانة كان ممنوع كانو يقعد يحكو يتكلمو يقرو ساعات يعملو اقلام مطرزة تصورو يلضمو خرزة بخرزة عشان الوقت يعدى بس كان صعب قوى انة يعدى حاجة ميحسهاش غير اللى اتسجن ومش اى سجن حتى لو كان المسجون يسارى وهقول لية يمكن اليسارين فىالسبعينيات المجتمع كان بيحترمهم او بيعتبرو اللى بيعملوة عمل مشروع وفى نهاية الخمنسنات وبداية الستنيات لكن دول وضعهم كان مختلف طبعا

اشكر لخالى انة علمنى يكون لى هدف يكون لى مبدا وعلمنى انى يكون عندى اصرار اقر اكتب اتحرك اتفاعل مع الناس كنت طفل لمى اعتقلوة لكنة علمنى اقر كتاب او صحيفة افكر فى اللى بيتم فى البلد صحيح بعدها اصبحت شيوعى لكن معتقدش انة لم يساهم فى ذللك قد وضع البذرة ان اولد انسان فولدت خالى العزيز انا بكتبللك رغم المسافات اللى بنا ويمكن متكنش هتقرا اللى بكتبة بس بقوللك شكرا جدا ووحشنى جدا ونفسى اخد بالحضن وبعتزر للك انى كيسارى اهملت وما اتكلمتش كتير عن الشباب المطحون اولاد الطبقات الشعبية اولاد الفلاحين الفقراء والعمال اللى الغلابة بعتزر لانى مدفعتش عن حريتك وسبتك انت و25 الف معتقل واحنا عمال ننظر حولين الظلامين والرجعين ونسينا انكم اولاد ظروف مجتمع حرمكم من حاجات كتير من حقكم فى العمل وتكوين مستقبل وبنوتة تحتضنها تلم تعبك وتسرة تمسح دمعك تهون عليك. عارف انكم كنتو بتعانو من مجتمع فاسد قاسى لم يمنحكم الفرصة ان تقولو لا .اعرف ان تمردكم كان نتاج اوضاع لابد ان تتغير وستتغير لان لسة فى ناس بتحلم ان تغيرة, مش مختلفة نظرة خالى الهادئة عن نظرة حمدى عبد الحافظ نفس النظرة المتاملة والثورية ايضا حمدى عبد الحافظ ورفاقة اول من حاول استخدام الكفاح المسلح عندما كونو مجموعة حزب الموتمر الشيوعى اة كانت ايام لعلنى استعدى من الذاكرة نظرة ماهر سمعان وابتسامتة الرقيقة هذا الرجل الجميل الذى لم يحظى بتقدير مثلاما حظى اخرين اقل حجما واسهاما فى اليسار المصرى مش عارف لية بتداعى معانى و صور هؤلا خالى, حمدى عبد الحافظ ,ماهر سمعان, وصلاح عدلى, نبيل الهلالى ,كمال خليل لا اعرف مدى الشبة رغم الاختلاف بينهم لكن دوما عندما اتذكر واحد منهم اتذكر الباقى ؟ تعالو بكرة نعتصم فى حب مصر ليلة سمر كل ما نقدم خطوة القهر بيبعد خطوة كل ما نقدم قدم بنكسب مساحة جديدة للحرية والعدل والانسان تعالى يا كل مصرى حاسس بظلم تعالى مش عشان القضاة وبس ولا حرية الصحافة ولا الرفيق سعدات لا تعالى لكل دة وليك دافع عن ذاتك ووجودك وحقوكك دافع عن نفسك عن وطنك عن الانسان

أنا مش تبع مخلوق يا سيدنا البيه

أنا حُر في إللي يقول ضميري

عليه وإن كنت تُحكم جوا ملكوتك

الشارع الواسع فاتحلى ادية

على عامر