مصر يامى يا بهية

ياة ولسة جوانا الامل ممتش وهيفضل جوانا الامل مدام موجود فى الحياة لازم اعيش ومهما تقابلنا الصعاب بنتشبث بية نحفر فى اللم سكة للسلامة ونرسم من بكى الموجعين تمرد يغير بكرة ما هى دى الحياة على راى صاحبتى ضحكتين واة واللة وحشتنى يا سمسم وانتى بتذقى الامل المتسكع فى دروب الانتظار وبتاعفرى

النهاردة انا تعبان ومش هنكر انى تعبان لكن حتى الم بيخلينى ساعات اتمسك بالحلم

اول امبارح اتقبض عليا انا وخمس زملاء زى ما يكون فى رحلة كان عمى محمود الذى بلغ من العمر سبعين زى ما يكون شاب فى العشرين قعد يغنى واحنا فى عربية الترحيلات مصر ياما يا بهية يا م شال وجلبية صرخ فينا واحنا قاعدين ساكتين لية يا ولد ما تغنو غنينا معاة كان الزميل هلال افتكر ايام الجامعة وكلية علوم والامن المركزى والعصيان اللى وفرها السادات للعيال الشيوعين على حد تعبير المومن السادات بعدها قعدت اقول نكت عبقرى الشعب المصرى فى اباع النكت وراح الزميل العزيز جمال يغنى بلدى وحببتى ابتدى من اصح يا احمد

انتو مين انتو دود الارض والافة المخيفة لاخر القصيدة العبقرية بتاعة ندم غنينا معاة وبدات انا اغنيها من البداية الغرام فى الدم سارح

والهوى طارح معزة

والحنين للقب بار والنوى جارح ياعزة

يا ابتسامة فجر هلت بددت ليلى الحزين

الى نهاينها

هو بص فى عينى بصة

ارتجف وفى حلقق غصة

واتعوج ومال وقال

كلمتين مش مفهمين

اصلة شاف صورتين جمال

فى العيون الطيبين

مصر فى العين الشمال

وانتى فى العين ايمين

وابتدى الغنى شيد قصورك وعيون الكلام وغيرها وافتكرت ساعتها محمد فوزى اللى كان فى الاعتصام واتنقبض علية ساعتها غانينا هو وانا وابو سمرة اغانى منير والليلة الكبيرة كانت ليلة رائعة طلعين يا شباب والحلم لسها بيلمع جو عنينا بفتكر العيون الطيبة لرشا اطيب بنت فى الحركة واسماء وعلاء سيف ابو المدونين هتطلع بالسلامة يا علاء ومحمد الدرديرى فينك يا محمد يا قوصى محدش هيندهللك كدة غيرى انا عارف اسيوطى جدع طول مرك حالكم يا محمد ورغم مساحة الاختلاف بحترمك وبحترم اصرارك المخلص كمال خليل ابراهيم الصحارى

كنت وانا فى المظاهرة مستاء جدا من الناس بتاعة المزايدة واللى مجوش واللى وقفت ثوريتهم عند الغرف المغلقة مش عاوز اذكر اسماء لكن اتفق التجمع والناصرى والغد على المظاهرة وفوجى التجمع انة لوحدة كنا لوحدنا بس كان لينا شرف المحاولة مترهبناش من تكديس عربيات الامن المركزى ولا القمع البوليسى للبعدة و شفنا ازاى العمل فى الشارع بيفرز احد القيات المتينة الثورية قال دول تنظيم شيوعى انا مطورتش معهم طب والة لينا الشرف اذا كان الشغل فلى الشارع ورطة واذا كان العمل مربوط بتنظيمات شيوعية فياريت والنبلى دارى خبتك يا عم نصاب انتى والاح اللى معاك معلش يا جماعة بينى دخلت فى وصلة ردح بس انا مستفز منهم يمكن الاخ بتاع الغد مش بيزايد وخبرتة محدودة بس دول الاشاوس بتوع الكلام العالى روحو فين مش عارف