كل سنة وانتم طيبين ولسة الامل فى العيون بيبرق

صباح الخير

لان ديما الصبح جايب معاة يوم جديد يمكن يكون مغاير لليوم للسابق ، من الايام اللى بتتراكم فيها احبطاتنا وفشلنا الذريع فى الصراع مع دى الحياة والمجتمع والاخر اللى هو الجحيم
صباح الخير لان الامل لسة جوانا فى يوم جديد وصباح جديد ننسى فيه متاعبنا ونلتقى بناس جديدة تلملم دى المتاعب وتشاركنا وتغدغ مشاعرنا فنحس اننا بشر وان لانسان جوانا لسة ممتش لساة حى وصادق كل سنة وانتم طيبين ر فاق واصدقاء وزملاء
وكل من احببت
وكل من لم استطيع ان احتمل حبهم
وكل من لم استطع ان احبهم

اما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
عجبي

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي

عجبتني كلمة من كلام الورق
النور شرق من بين حروفها و برق
حبيت أشيلها ف قلبي .. قالت حرام
ده أنا كل قلب دخلت فيه اتحرق
عجبي !!!

يا ميت ندامه ع القلوب الخـــــــــــلا
لا محبة فيها و لا كراهـــــــــــه ولا
حتي يا قلبي الحزن ما عادش فيـــــك
معلهش .. لك يوم برضه راح تتملا
عجبي !!

مش تبع مخلوق يا سيدنا البية
انا حر فى اللى يقول ضميرى علية
وان كنت تحكم جو ملكوتك

الشارع الواسع فاتحلى ادية

باى حال اتيت يا عيد ولكنك اتيت
كل سنة وانتم طيبين وبغض النظر عن القرار الجمهورى الللى صدر او بتدور اشاعات ايوة اشاعات بس اكيد اكيد هى" اشاعات مؤكدة" بان العيد تم تغير اسمة من عيد "مبارك " الى يا جمال العيد وطبعا دا لسة اشاعات بس برضو "اشاعات مؤكدة "عموما انا مش عاوز اجيب فى سيرة الناس لان دة حرام شرعا بالتاكيد وزى ما
قال الشيخ فى فيلم الزوجة الثانية واطيعو الللة ورسولة والمومنين
الايام اللى فاتمو الواحد كان بيتامل الحال فى صراحة كانت حاجات مستفزة مثلا الناس اعتبرو النت والنشاط علية انجاز تاريخى واعتبروة هو العمل السياسى وبداو يناضلو بقى والناس تشتم فى بعض وانا اقرا اللى يتكتب واستغرب هو اية دة ناس بالبلدى بتوع سياسة ولاة تنفيس وجدانى ويعنى اهو الواحد بيحقق ذاتة بشوية حاجات بيقول بالصوت العالى انا مناضل نتاوى وبيدافع بجسارة ضد اعداء هو اللى بيصنعهم اختلافات ما وصولوش حتى الى خصوم او ناس مختلفة مع ناس نظريا ولاة فى عمل لا هو اغلبو شخصى وشوية نظرى يا فرحتى بالنضال يا جدعان ، المهم وكان برضوفى اليومين اللى فاتو نزلو كام صورة وكدة لناس شغالين فى السياسة بس من الاصوات العالية العالية قوى يا عم واللة بس عادى بس برضو عيب مش حبكت يا استاذة يعنى ، عديها ونفض ، بس برضو كان فى حدث مهم جدا الايام اللى فاتم هو وجود التحالف الاشتراكى وكان تصاعد التحركات العمالية بشكل ملحوظ
سيبكم من السياسة بقى

شوفو دول من تياترو


حسني مبارك كان بيموت و جامبه أحمد نظيف، كل شوية حسني يفوق و يقول لنظيف:"الشعب أمانة في رقبتك يا"أحمد"، يرد نظيف و يقوله:"ما تخافش يا ريس .. الشعب ياكل الزلط" .. شوية و يصحى حسني مبارك تاني و يقول لنظيف:"الشعب أمانة في رقبتك يا أحمد"، يرد نظيف و يقوله:"ما تخافش يا ريس .. الشعب ياكل الزلط" .. شوية و قام حسني مبارك تاني و قال لنظيف: "توكيل الزلط لعلاء يا أحمد

في واقعة حقيقية:قابل حسني مبارك مزيعة في القناة التانية لبرامج الاطفال، فبتعرفه بنفسها قال لها عارفك عارفك، انا باتفرج عليكي

واحد اتحشر في زحمة المرور فلقى واحد بيخبطله على شباك السيارةفتح الشباك و سأله عايز ايهقاله : الرئيس حسنى مبارك خطفوه و الفدية 5$مليون دولارو لو الفدية ماتدفعتش .. الخاطفين هددوا يدلقوا عليه بنزين و يولعوا فيهو احنا بنجمع تبرعات .. تحب تشارك ؟الرجل سأل: " و في المتوسط الناس بتتبرع بكام"الرجل الثاني : " من 5 الى 10 لتر بنزين" !



ادون بقى المسائل الشخصية احسن